Жил бүрийн наадмын морьд гоё л доо. Хамрын самсаа шархираад л. Шарга азарганы домогт зургаан түрүү, хаа байсан Дорнодын буурал талаас фургонд ачигдан ядарч ирээд улсад түрүүлдэг болчихсон Д.Цэндбаатар гэж жаахан залуугийн “Тугал ухаа” азарганы бишрэм хурд, Налайхын Т.Энхтайваны гоё халиуны хавчиг насандаа үзүүлсэн их давхилыг биширдэг. Хүнээр бол “Гоё халиун” нь долоохон настай жаахан хүүхэд л байсан юм шүү дээ. Хоёр сарын өмнө “Дүнжингаравын их хурд”-ыг очиж үзлээ. Аварга морьдыг бүгдийг...